საპროკურორო საბჭოს თავმჯდომარე და იუსტიციის მინისტრი, თეა წულუკიანი მთავარი პროკურორის კენჭისყრაში მონაწილეობას არ მიიღებს. ასევე, მინისტრი დაესწრება კანდიდატებთან გასაუბრებას, თუმცა კითხვებს არ დასვამს.

რამდენიმე დღის წინ თეა წულუკიანმა დაადასტურა, რომ მთავარი პროკურორობის ერთ-ერთი კანდიდატის, შალვა თადუმაძის შვილის ნათლიაა.

დღს, 11 ივლისს საპროკურორო საბჭოს 15-მა წევრმა მთავარი პროკურორი კენჭისყრით უნდა აირჩიოს. კენჭისყრამდე მთავარი პროკურორობის სამ კანდიდატს ნინო გოგნიაშვილს, შალვა თადუმაძეს და შალვა შავგულიძეს გესაუბრებიან. გასაუბრების შემდეგ კენჭისყრის პროცედურა უნდა გაიმართოს. საპროკურორო საბჭოს წევრები თითოეულ კანდიდატს კენჭს ცალ-ცალკე უყრიან. კანდიდატმა საპროკურორო საბჭოს წევრების ხმების მინიმუმ 2/3 უნდა მიიღოს. შერჩეულ კანდიდატს იუსტიციის მინისტრი დაუყოვნებლივ წარუდგენს მთავრობას, საბოლოოდ კი მთავარ პროკურორს პარლამენტი დაამტკიცებს. კენჭისყრა მედიისთვის ღიაიქნება.