შინაგან საქმეთა სამინისტროს ინფორმაციით, 2018 წლის პირველი იანვრიდან ამა წლის პირველ ივლისამდე ოჯახური ძალადობის 2804 საქმეზე დაიწყო გამოძიება. მათივე განცხადებით, ოჯახური ძალადობის გამო სისხლისსამმართლებრივი დევნა დაიწყო 1933 პირის მიმართ. მათივე თქმით, ეს რიცხვი წინა მთელი წლის მონაცემებს უტოლდება.

უწყებაში ამბობენ, რომ ოჯახური დანაშაულის ბრალდებით მიმდინარე წლის 6 თვის განმავლობაში დაკავებულია 1328 პირი. 2018 წლის ბოლო 6 თვეში კი 3292 შემაკავებელი ორდერია გამოწერილი.