დუშეთის რაიონში, ხადას ხეობაში, ორმაგი მოქალაქეობის მქონე ცოლ-ქმარი გარდაცვლილები იპოვეს, მათი შვილი კი ამ დრომდე დაკარგულად ითვლება. როგორც შინაგან საქმეთა სამინისტროში აცხადებენ, მათი ოჯახის დაკარგვის შესახებ 112-ში ზარი 6 ივლისს შევიდა. უწყების ცნობით, ქალის სხეული გუშინ, ხევში, ჩანჩქერის ძირში იპოვეს, კაცის კი დღეს, ჩანჩქერის მიმდებარე ტერიტორიაზე.

4 წლის გოგოს სამძებრო სამუშაოები ხვალ დილიდან დაიწყება. შსს-მ საქმეზე გამოძიება საქართველოს სისხლის სამართლის კოდექსის 116-ე მუხლის მე-2 ნაწილით მიმდინარეობს. ეს მუხლი გულისხმობს გაუფრთხილებლობით სიცოცხლის მოსპობას და სასჯელის სახით ითვალისწინებს თავისუფლების აღკვეთას 3-დან 5 წლამდე ვადით.