არასამთავრობო ორგანიზაცია საერთაშორისო გამჭვირვალობა საქართველო (TI) ხელისუფლების პიარ ღონისძიებებისა და რეკლამის მზარდი ხარჯების შესახებ კვლევას აქვეყნებს. კვლევის თანახმად, ქართული ოცნების ხელისუფლებაში მოსვლის შემდეგ, 2013 წლიდან 2017 წლის ოქტომბრის ჩათვლით, საჯარო უწყებებმა პიარ აქტივობებსა და რეკლამაში 98 მილიონ 480 ათას ლარზე მეტი დახარჯეს.

კვლევის მიხედვით, პიარ სამსახურში დასაქმებულთა ხელფასებში, რეკლამასა და სხვადასხვა აქტივობებში ხელისუფლებამ, 159 მილიონ 730 ათას ლარზე მეტი დაიხარჯა. კერძოდ, პიარ აქტივობებისა და სარეკლამო ხარჯის მხრივ დიდი წილი საჯარო სამართლის იურიდიულ პირებზე ტურიზმის ეროვნულ ადმინისტრაციაზე, ღვინის ეროვნულ სააგენტოზე და აწარმოე საქართველოზე მოდის.

რაც შეეხება მთავრობის ადმინისტრაციის საზოგადოებასთან/მედიასთან ურთიერთობის დეპარტამენტში დასაქმებულების ანაზღაურებას კვლევის თანახმად, თახნამ 12 მილიონ ლარზე მეტი შეადგინა. ორგანიზაციის განცხადებით, აღნიშნული თანხა ამ პერიოდში მთელი საქართველოს მასშტაბით 122 საჯარო უწყების მიერ პიარ სამსახურში დასაქმებულთა ანაზღაურებისთვის დახარჯული თანხის, (61,250,000 ლარის), დაახლოებით, მეხუთედია.

ორგანიზაციის განცხადებით, 2017 წლის მონაცემები დათვლილია 2017 წლის ოქტომბრის ჩათვლით.