ქალები, რომლებსაც ქალების შევიწროებაში დადანაშაულებული ზვიად დევდარიანი სასამართლოში უჩივის მათ მიმართ წარდგენილ სასარჩელო მოთხოვნებს ასაჯაროებენ. სარჩელის სრულად გასაჯაროებას ორივე მხარე ერიდება, თუმცა სასარჩელო მოთხოვნების შინაარსს ადასტურებენ.

აქტივისტი ნინო დანელიას წინააღმდეგ ზვიად დევდარიანი ითხოვს, რომ ფეისბუქით გავრცელებული ინფორმაცია უარყოს შემდეგნაირად:

• სიცრუეა, რომ ზვიად დევდარიანი უკიდურესად სირია;
• სიცრუეა, რომ ზვიად დევდარიანი არის ჩლუნგი და გარყვნილი კაცი.

აქტივისტი თამარ კაკაბაძის წინააღმდეგ ზვიად დევდარიანი ითხოვს, რომ ფეისბუქით გავრცელებული ინფორმაცია უარყოს შემდეგნაირად:

• სიცრუეა, რომ ზვიად დევდარიანი ამტკიცებს, რომ არის ყ*ე და ესაა მისი პრინციპული პოზიცია.

ზვიად დევდარიანი ტაბულას დამფუძნებლისგან, თამარ ჩერგოლეიშვილისგან ითხოვს, რომ ფეისბუქზე, გამოცემა ტაბულაში და საზოგადოებრივი მაუწყებლის ეთერში გავრცელებული ცნობები უარყოს შემდეგნაირად:

• სიცრუეა, რომ ზვიად დევდარიანი ქალებს ავიწროებს;
• სიცრუეა, რომ ზვიად დევდარიანი პრესას ემალება თხუნელასავით;
• სიცრუეა, რომ ზვიად დევდარიანი გრანტით მოპოვებულ ფულს ვინც მისცემს, იმას სთავაზობს;
• სიცრუეა, რომ ზვიად დევდარიანი არის სექსუალური მანიაკი.

დევდარიანი საფარის დირექტორისგან, ბაია პატარაისგან კი ითხოვს, რომ ცნობები უარყოს შემდეგი ფორმით:

• სიცრუეა, რომ ზვიად დევდარიანს უმეტესობა იცნობდა, როგორც ქალებში მოტანტალე კაცს, რომელიც ყოველ მეორე გოგო ეტორღიალება;
• სიცრუეა, რომ ზვიად დევდარიანი ბოროტად იყენებდა საკუთარ სამსახურებრივ მდგომარეობას და რიგ შემთხვევაში ფსიქოლოგიურად და ფიზიკურად ძალადობდა ქალებზე.

ქალთა მოძრაობის აქტივისტი იდა ბახტურიძისგან კი ზვიად დევდარიანი ითხოვს, რომ ფეისბუქზე და ტელეკომპანია იმედის ეთერში უარყოს ინფორმაცია შემდეგი ფორმულირებით:

• სიცრუეა, რომ ზვიად დევდარიანი არის მანიაკი;
• სირცუეა, რომ ზვიად დევდარიანი ავიწროებდა ქალებს.

დევდარიანი ეკატერინე ონიანისგან ითხოვს, რომ ფეისბუქზე გავრცელებული ინფორმაცია უარყოს შემდეგი ფორმით:

• სიცრუეა, რომ ზვიად დევდარიანი ყველა გოგოსთვის შემაწუხებელი კაცია;
• სიცრუეა, რომ ზვიად დევდარიანი არის აბსოლუტურად ტვინის ტ**ნა კაცი;
• სიცრუეა, რომ ზვიად დევდარიანი არის მძ**ველა;
• სიცრუეა, რომ ზვიად დევდარიანი არის ფსევდოუფლებადამცველი.

ზვიად დევდარიანის ადვოკატმა, დიმიტრი გაბუნიამ On.ge-ს განუცხადა, რომ ციტატების ზუსტად არ ახსოვს, თუმცა ადასტურებს, რომ მსგავსი შინაარსი აქვს.

17 მარტს ქალთა მოძრაობამ ომბუდსმენის მიერ წარდგენილი სამეურვეო საბჭოს კონკურსის ერთ-ერთი მონაწილე ზვიად დევდარიანი სექსუალურ შევიწროების 10-მდე შემთხვევაში დაადანაშაულა, რის შემდეგაც დევდარიანმა საკუთარი კანდიდატურა მოხსნა.