ტემპერატურის მატების გამო საქართველოში ელექტროენერგიის მოხმარების რეკორდული მაჩვენებელი დაფიქსირდა.

საქართველოს სახელმწიფო ელექტროსისტემის ინფორმაციით, გუშინ, 2 ივლისს, დაახლოებით შუადღის 4 საათზე საქართველოს ენერგოსისტემის პიკური მოხმარება, 1920 მგვტ დაფიქსირდა. აღნიშნული მაჩვენებელი 80-იანი წლების შემდეგ ზაფხულის პერიოდისთვის რეკორდულია.

სსე-ს ინფორმაციით, მოხმარების აღნიშნული მაჩვენებელი 12 პროცენტით აღემატება შარშანდელი ანალოგიური პერიოდის სიდიდეს.