პრეზიდენტის ადმინისტრაციამ, მთავრობის გადაწყვეტილება, რომლის მიხედვითაც ევროსასამართლოში მოსამართლეობის კანდიდატად ევა გოცირიძის წარდგენა გააკრიტიკა. ინფორმაციას რუსთავი 2 ავრცელებს.

გიორგი მარგველაშვილის მრჩევლის, კახა კოჟორიძის თქმით, ევა გოცირიძე ევროპის ადამიანების უფლებების სასამართლოში სიმართლის დამდგენი ვერ იქნება, რადგან მან ეს სტანდარტი საქართველოში არ დაიცვა:

"სახელმწიფომ კანდიდატის შერჩევისას ჩაატარა ისეთი პროცესი, რომელიც თავიდანვე ეწინააღმდეგებოდა ევროსაბჭოს სტანდარტებს და გააჩინა კითხვები და მთავრობის გადაწყვეტილებამ ამ პროცესს დამატებითი ჩრდილი მიაყენა. როცა ანა დოლიძემ კომისიის მხრიდან მიიღო უფრო მაღალი ქულები, ვიდრე ევა გოცირიძემ, ჩვენთვის გაუგებარია, რა კრიტერიუმებზე დაყრდნობით მიანიჭა მთავრობამ ქალბატონ ევას პრიორიტეტი".

დღეს მთავრობამ სტრაბურგის მოსამართლეობის ერთ-ერთი კანდიდატი ევა გოცირიძით ჩაანაცვლა.