ფინანსთა მინისტრის, ნიკოლოზ გაგუას განცხადებით, სახალხო დამცველის ოფისისთვის ნახევარი მილიონი ლარი გამოიყოფა. შესაბამისი ოფისის შერჩევამდე ომბუდსმენის აპარატი ოფისისს იქირავებს.

სახალხო დამცველის ოფისს, რომელიც ავარიულ მდგომარეობაშია, მესამე ხარისხის დაზიანება დაუდგინდა. ამის გამო ომბუდსმენის აპარატი საგანგებო რეჟიმზე გადადის და 2018 წლის 2 ივლისამდე აჩერებს სამუშაო პროცესს.

მოქალაქეებს შესაძლებლობა ექნებათ განცხადებები დატოვონ მისაღებში, თუმცა მათი რეგისტრაცია მხოლოდ ორშაბათიდან, 2 ივლისიდან მოხერხდება. ცვლილება ასევე შეეხება ცხელი ხაზის რეაგირების ჯგუფს. დროებით ცხელი ხაზის ოპერატორთან დაკავშირება შესაძლებელი იქნება ნომერზე - 598083006. ასევე, მოგვმართეთ ელექტრონულ მისამართზე [email protected].