ძველი თბილისის მოქალაქეებს, რომლებსაც ქალაქის მერის ინიციატივა შეეხოთ და რეაბილიტირებული ფასადებიდან კონდიციონერები ექნებათ მოსახსნელი, საშუალოდ 200 ლარის დახარჯვა მოუწევთ. On.ge-მ სხვადასხვა კომპანისა და კერძო პირთან გაარკვია რა ღირს ეს მომსახურება.

მისტერ მასტერში კონდიციონერის დემოტნაჟი 60 ლარი დაგიჯდებათ. ხელახალი მონტაჟის შემთხვევაში კი ღირებულებას 160 ლარი ემატება. საერთო ჯამში, კონდინციონერის ერთი ოთახიდან მეორეში გადატანის ფასი 220 ლარი იქნება. რაც შეეხება გამათბობელს, ე.წ კალონკას, მისი დემონტაჟი-მონტაჟი 75 ლარი ჯდება. მაგრამ, თუ ახალ სივრცეში გამათბობლისთვის "წერტილები" იქნება შესაქმნელი, ერთი "წერტილის" შექმნის 35 ლარი დაემატება.

ტექნოსერვისში კონდეციონერის დემონტაჟი 65 ლარი დაგიჯდებათ. დემონტაჟი-მონტაჟის ღირებულება კი 145-დან 160 ლარამდე მერყეობს. იმ შემთხვევაში თუ მონტაჟისტვის დამატებით მილი გახდა საჭირო, ღირებულებას 1 მეტრი მილის ფასი - 40 ლარი დაემატება. ამავე კომპანიაში გამათბობლის მონტაჟი 60-დან 80 ლარამდე ღირს.

სერვისების კომპანიაში კონდიცინონერის მონტაჟი-დემონტაჟი 130 ლარი ღირს. გამათბობლის მონტაჟს კომპანია არ ახორციელებს.

რაც შეეხება კერძო ხელოსნებს, მათთან კონდინციონერის დემონტაჟი 50 ლარი ღირს. მოხსნისა და მონტაჟის ფასი კი 50-დან 150-ლარამდე მერყეობს. ხელოსნები ცენტრალური გათბობისა მონტაჟისა და დემონტაჟის ზუსტ ფასს წინასწარ ვერ ამბობენ. მათი თქმით, ფასი ადგილზე შემოწყებით გადაწყდება, რადგან გამათბობლის დამონტაჟებას სპეციალური წერტილები სჭირდება. სავარაუდო ფასი კი 130-დან 170 ლარამდე მერყეობს.

კალაძემ ზედამხედველობის სამსახურს დაავალა, რეაბილიტირებულ ადგილებში მსგავსი ფაქტები დააფიქსიროს და აღწეროს. ზედამხედველობის სამსახურმა დავალება ოფიციალურად რამდენიმე საათია მიიღო და დეტალები, თუ რომელი ქუჩების რეაბილიტირება მოხდება, სად განხორციელდება დემონტაჟი და რამდენი დაუჯდება მერიას უკვე რეაბილიტირებული ფასადების თავიდან რეაბილიტირება, ჯერჯერობით უცნობია.