ტეილორ სვიფტის ჯადოსნური შოუ უემბლის სტადიონზე კიდევ უფრო მაგიური გახდა, როდესაც ჰარი პოტერის ავტორი, ჯოან როულინგი მის სანახავად მივიდა.

ლონდონის მაგიურ წვეულებას შეუერთდა ბრიტანელი მუსიკოსი ადელიც. ორივე საოცარ ქალს ტეილორმა ინსტაგრამიდან მადლობა გადაუხადა და მათთან ერთად კულისებში გადაღებული პოლაროიდები გამოაქვეყნა.

"ძალიან მადლიერი ვარ ამ ქალების, მათი შემოქმედების, დაწერილი სიტყვებისა და შექმნილი სამყაროების გამო. ეიფორიაში ვარ რომ ლონდონში ჩემს შოუზე მოხვედით. მიყვარხართ, ყოველთვის", - დაწერა სვიფტმა.

იმავე დღეს, უემბლის სტადიონზე ტეილორთან ერთად რობი უილიამსმა იმღერა.