უცხოური მედიასაშუალებების (AFP და NBC) ცნობით, 24 მარტს სირიაში ჩატარებული რეიდების დროს აშშ-ს სამხედროებმა ისლამური სახელმწიფოს ერთ-ერთი ლიდერი, აბდ არ-რაჰმან მუსტაფა ალ-ქადული მოკლეს.

NBC-ის ინფორმაციით, აშშ-ს თავდაცვის მდივანი ეშ კარტერი აღნიშნულის შესახებ განცხადებას უახლოეს მომავალში გააკეთებს.

როგორც ცნობილია, ალ-ქადული ISIS-ის დაჯგუფების მეთაურებს შორის რიგით მეორე პირი იყო. ამერიკული სამხდრო ძალის შეტევის შედეგად ამ თვეში ტერორისტულმა დაჯგუფებამ კიდევ ერთი ლიდერი, ომარ ალ შაშინი დაკარგა.