დე ფაქტო სამხრეთ ოსეთის დამოუკიდებლობის 10 წლის ღონისძიებაზე რუსეთის პატრიარქ კირილესა და რუსეთის პრემიერ-მინისტრს დიმიტრი მედვედევს ელოდებიან. ინფორმაციას სახელისუფლებო გამოცემა რესი ავრცელებს.

გარდა ამისა, მოსაწვევები გაეგზავნათ რუსეთის, ვენესუელის, სირიისა და ნიკარაგუას პრეზიდენტებს. ღონისძიებას, სავარაუდოდ, დაესწრებიან არაღიარებული ქვეყნების ლიდერები, მათ შორის, დე ფაქტო აფხაზეთის რესპუბლიკის პრეზიდენტი, რაულ ხაჯიმბა. ამასთანავე ღონისძიებაზე დაპატიჟებულია რუსეთის პრემიერ-მინისტრი დიმიტრი მედვედევი.

მაისში ცნობილი გახდა, რომ რუსეთის საპატრიარქო საქართველოში წარმომადგენელს გზავნის. პატრიარქ კირილესა და სინოდის გადაწყვეტილებით სასულიერო პირი რუსულენოვანი მრევლისთვის იქადაგებს და საჭიროების შემთხვევაში რუსეთის ეკლესიის პოზიციას წარმოადგენს.

განცხადებაში, რომელიც რუსეთის საპატრიარქოს ვებ-გვერდზეა გამოქვეყნებული, წერია რომ გადაწყვეტილება შეთანხმებულია საქარველოს საპატრიარქოსთან.