სინოდის სხდომის დასრულების შემდეგ მეუფე პეტრემ განაცხადა, რომ სხდომაზე უკრაინის ავტოკეფალიის მხარდაჭერის საკითხი არ განუხილავთ და ზოგადად ისაუბრეს.

"საკითხი ჯერ არ დგას ასე დაჭერა-არდაჭერასთან დაკავშირებით. ამ თემაზე კონსტანტინოპოლი მუშაობს, არის უამრავი შეკითხვები და ჩვენც ასევე პარალელურ რეჟიმში ვიფიქრებთ და ვიმუშავებთ, როგორც სათნო იქნება ღვთისთვის."

მის პოზიციასთან დაკავშირებით მეუფემ განაცხადა, რომ უკრაინის ეკლესია არ უნდა ექვემდებარებოდეს დამპყრობელი ქვეყნის პატრიარს:

"უკრაინას, 40-მილიონიან ქვეყანას, დამოუკიდებელს, რა თქმა უნდა, უნდა ჰქონდეს დამოუკიდებელი ეკლესია და დამპყრობელი ქვეყნის პირველ იერარქს არ უნდა იხსენიებდეს ლოცვებში და არ უნდა ექვემდებარებოდეს მას ეკლესიურად. მაგრამ პროცესუალურად ეს საკითხი, რა თქმა უნდა, ძალიან გაიწელება დროში. "

სინოდის სხდომა დასრულდა. სხდომიდან გამოსული მეუფეები აცხადებენ, რომ ციანიდის და უკრაინის ეკლესიის ავტოკეფალიის საქმე დეტალურად არ განუხილავთ. მეუფე პეტრესა და მეუფე ზოსიმეს ცნობით, შეხვედრაზე პატრიარქის მოსაყდრე შიო მუჯირს, მართლმადიდებლური ეკლესიიის უმაღლესი ჯილდო გადასცეს.