რესტორნების გლობალურმა ქსელმა, Burger King-მა რუსეთში ქალებისთვის შეურაცხმყოფელი და სექსისტური კამპანია წამოიწყო.

კომპანიის Vkontakte-ს ოფიციალური გვერდის განცხადებაში ეწერა, რომ 3 მილიონ რუბლით ($50 ათასი) დააჯილდოვებდენ იმ ქალებს, ვინც ფეხბურთის ვარსკვლავებისგან დაორსულდებოდნენ.

"ქალები, რომლებიც შეძლებენ ფეხბურთის საუკეთესო გენების მიღებას, რუსეთის ნაკრების წარმატებას რამდენიმე თაობით წინ წაწევას ჩაუყრიან საფუძველს. მიდით! ჩვენ გვჯერა თქვენი", - ეწერა Burger King-ის განცხადებაში.

როგორც კომპანიის რუსული ოფისი აცხადებდა, კამპანია "სოციალური პასუხისმგებლობის" ფარგლებში წამოიწყეს.

სავარაუდოდ, მსგავსი წამოწყება რუსეთში მიმდინარე ფეხბურთის მსოფლიო ჩემპიონატს უკავშირდებოდა. კამპანიამ მომხმარებლების მხრიდან დიდი კრიტიკა დაიმსახურა. ამის შემდეგ Burger King-მა ბოდიში მოიხადა და კამპანიას "ზედმეტად შეურაცხმყოფელი" უწოდა.

ფოტო: Vkontakte / Burger King Russia

ამ დროისთვის ახალი წამოწყების შესახებ განცხადება ოფიციალურ გვერდზე აღარ იძებნება. თუმცა მომხმარებლები განცხადების სქრინებს პოსტში უკომენტარებენ.

ფოტო: Vkontakte / Andrey Inozemtsev