ევროკავშირის საბჭომ ყირიმის წინააღმდეგ გატარებული სანქციები ერთი წლით, 2019 წლის 23 ივნისამდე გაახანგრძლივა. შესაბამისი გადაწყვეტილება საბჭომ 18 ივნისს მიიღო.

კერძოდ, სანქციები კრძალავს ყირიმიდან პროდუქციის იმპორტს, ზღუდავს ინვესტიციებს სატრანსპორტო, სატელეკომუნიკაციო და ენერგეტიკულ სფეროებში. ასევე, ევროკავშირის მოქალაქეებსა და კომპანიებს ნახევარკუნძულზე უძრავი ქონების შესყიდვა ეკრძალებათ, ხოლო ევროპული ტურისტული კომპანიები ყირიმში ტურისტებს ვერ წაიყვანენ.

ევროკავშირმა ყირიმს სანქციები 2014 წელს, რუსეთის მიერ ნახევარკუნძულის ანექსიის შემდეგ დაუწესა. სანქციების მოქმედება კი ყოველწლიურად ხანგრძლივდებოდა.

ყირიმის წინააღმდეგ საკუთარი სანქციები გაატარა აშშ-მაც. ევროკავშირმა, აშშ-მ და სხვა ქვეყნებმა ცალკე სანქციები გაატარეს რუსეთის წინააღმდეგ, რომელიც რამდენჯერმე გამკაცრდა.