Pew Research Center-ის მიხედვით, საქართველოში ახალგაზრდები უფრო რელიგიურები არიან, ვიდრე ასაკოვნები. კვლევა 106 ქვეყანაში ჩატარდა და საქართველოს მსგავსი შედეგი განაშიც დაფიქსირდა.

კვლევის მიხედვით, ახალგაზრდებად 18-დან 39 წლამდე ასაკის ადამიანები მიიჩნევა, ხოლო ასაკოვნებად 40 წლის და ზევით.

როგორც კვლევიდან ვკითხულობთ, 106 ქვეყნიდან 46 ქვეყანაში ახალგაზრდები ამბობენ, რომ რელიგია მათთვის ნაკლებად მნიშვნელოვანია. ქვეყნები, რომლებშიც სხვაობა მკვეთრად გამოიკვეთება, პოლონეთი, საბერძნეთი, რუმინეთი, ჩილე და პორტუგალიაა - ძირითადად ქრისტიანული ქვეყნები. ყველა ამ ქვეყანას პროცენტულ მაჩვენებლებს შორის განსხვავება 20 ან მეტია.

კვლევის მიხედვით, აშშ-ში სხვაობა 17-პუნქტიანი, ხოლო ირლანდიაში 9-პუნქტიანი სხვაობაა. მხოლოდ 58 ქვეყანაში ახალგაზრდებსა და ასაკოვნებს შორის სხვაობა თითქმის არაა.