ბათუმში ოთხი წლის ბავშვის მკვლელობის ბრალდებით დაკავებულ უზბეკეთის მოქალაქეს აღკვეთის ღონისძიების სახით პატიმრობა შეეფარდა. ბრალდებული თავს დამნაშავედ ცნობს.

ბათუმში ოთხი წლის გოგონას მკვლელობის გამო, ერთი პირი დააკავეს. დაკავებული დაღუპული გოგონას დედის მეგობარია. გავრცელებული ინფორმაციით, მან ბავშვი ცემის შედეგად მოკლა.

შინაგან საქმეთა სამინისტროს ინფორმაციით, მომხდარზე გამოძიება სისხლის სამართლის კოდექსის 109-ე მუხლით დაიწყო, რაც დამამძიმებელ გარემოებაში განზრახ მკვლელობას გულისხმობს.