მსოფლიოს ერთ-ერთი ყველაზე მსხვილი კომპანია, ნეტფლიქსი, მიღწევებით არ კმაყოფილდება და კიდევ ერთი პროექტის განხორციელებას გეგმავს.

წარმატებული კინოპროექტების შემდეგ, ნეტფლიქსის ხელმძღვანელობამ მიიღო გადაწყვეტილება ლოს-ანჯელესსა და ნიუ-იორკში საკუთარი კინოთეატრები გახსნას.

გარდა იმისა, რომ ეს კომპანიისთვის დამატებითი შემოსავლის წყარო იქნება, რამდენიმე უპირატესობაც აქვს. მაგალითად ის, რომ თუ პროექტი განხორციელდება და ნეტფლიქსის ფილმები დიდ ეკრანზე, კინოთეატრში გავა, კომპანიას შანსები ექნება ოსკარის დაჯილდოებაში მიიღოს მონაწილეობა.

გარდა ამისა, კანის კინოფესტივალი ვეღარ ეტყვის უარს ფილმს საკონკურსო პროგრამაში მონაწილეობაზე. კინოთეატრის გახსნის იდეას მიესალმება ნეტფლიქსის მაყურებლის ნაწილიც და ამბობენ, რომ ეს დამატებითი კომფორტი იქნება იმ ადამიანებისთვის, ვისაც კომპანიის არაჩვეულებრივი პროდუქციის ნახვა დიდ ეკრანზე სურს.