ჩვენი საუკეთესო მოგონებების უმრავლესობა ჩვენსავე ბავშვობას უკავშირდება. გახსოვთ, რა გვიხაროდა, რითი ვერთობოდით ან რა გვაბედნიერებდა? რა თქმა უნდა, ყველაფერი ის, რაც უკვე დიდი ხანია, დავიწყებას მიეცა.

პირველი მობილური შავ-თეთრი ეკრანით, დენდის თამაშები მარტივი გამოსახულებით და 24 საათის განმავლობაში ეზოში ყოფნა ჩვენი პატარაობის განუყოფელი ნაწილი იყო, თუმცა დღეს ასე ნამდვილად აღარ არის.

ერთი რამ ცხადია: მოიძებნება მინიმუმ 15 რამ, რაც 90-იან წლებში ჩვენს ბავშვობას ახალისებდა, ახალი თაობისთვის კი სრულიად გაუგებარია.

1. ნოკიას სუპერ ელემენტი, რომელიც არასდროს ჯდებოდა

ფოტო: The Sun

ახლა ტელეფონთან ერთად ხომ დამტენიც თან უნდა ატარო.

2. მთელი დღე ეზოში თამაში და შტაბების მოწყობა, რომელიც ნებისმიერ ვიდეოთამაშს სჯობდა

ფოტო: einteres

მყუდრო შტაბები დღეს ონლაინ ჯგუფებმა და ვირტუალურმა საუბრებმა ჩაანაცვლეს.

3. გადაცემები, რომელთა წამყვანებიც ჩვენთვის ოჯახის წევრებივით იყვნენ

ფოტო: YouTube

ახლა აღარც მუსიკალური ათეულები არსებობს და აღარც ეს წამყვანები ჩანან.

4. მომენტი, როცა სუპერ მარიოს თამაშის დროს გული გვიჩერდებოდა

ფოტო: vinues.tistory

ტურის დახურვის მეთხუთმეტე მცდელობაზე კიდევ კარგად ვიყავით.

5. საყვარელი სერიალის საყურებლად მხოლოდ ერთი შანსი გვქონდა

ფოტო: CBS Boston

ჩვენ დროს სად იყო სასურველ დროზე გადახვევა და კარგი ცხოვრება.

6. საბჭოთა ენციკლოპედიის გარეშე საშინაო დავალების შესრულება წარმოუდგენელი იყო

ფოტო: თბილისის ფორუმი

აბა ჯერ გუგლი და ვიკიპედია არ არსებობდა და.

7. ვიყენებდით რუკებს, რომელსაც თუ გაშლიდი, ვეღარ დაკეცავდი

ახლა ყველაფერი გაცილებით მარტივია, გადმოწერ აპლიკაციას და სულ ეგ არის.

8. ფირებიანი ფოტოაპარატით გადაღებული ფოტოების გამჟღავნება დიდი თავისტკივილი იყო

ფოტო: twimg

ყველაზე საშინელი კოშმარი საუეკეთესო კადრზე გადადებული უზარმაზარი ლაქა იყო.

9. ტკბილეულში ამოსული პატარა სათამაშოები ყველაზე მეტად გვახარებდა

ფოტო: თბილისის ფორუმი

განსაკუთრებით მაშინ, თუ მეცამეტეჯერ იგივე სათამაშო არ ამოგვივიდოდა.

10. გვიყვარდა "ტეტრისი", რომელსაც ღილაკები მალე უფუჭდებოდა

ფოტო: alicdn

[აქ უნდა იყოს ის მომენტი, როცა სვეტის ფორმის ფიგურა ჩამოდის და მთელი ხუთი ხაზი ერთად იშლება]

11. ვუსმენდით რადიოს, სადაც ზოგჯერ ვრეკავდით და ერთმანეთს სიმღერებს ვუძღვნიდით

ფოტო: media

ალბათ ეს იგივე იყო, დღეს ერთმანეთს სიმღერებს რომ ულინკავენ.

12. თანამედროვე ბავშვები ვერ გაიგებენ, რა შუაშია კალამი კასეტასთან

ფოტო: schweppes

მოდით, არც ვუთხრათ და ჩვენი საიდუმლო იყოს.

13. მაინსვიპერის თამაში მაშინ, როცა ინტერნეტი წყდებოდა

ფოტო: wikihow

თავად მაინსვიპერს რა ანაცვლებდა, რთული სათქმელია.

14. ინტერნეტში შესვლა ტელეფონის დაკავებას ნიშნავდა

და თუ ამ დროს ყურმილს აიღებდით, მოისმენდით, როგორ საუბრობენ უცხოპლანეტელები.

15. ახალ, გასართობ ამბებს გაზეთებიდან ვკითხულობდით

ფოტო: რადიო თავისუფლება

რა თქმა უნდა, მაშინ On.ge და მსგავსი ონლაინ გამოცემები ხომ არ არსებობდა?!