რუსთაველის გამზირზე, პარლამენტის მიმდებარედ, სახელმწიფო დაცვის სპეციალური სამსახურის ტერიტორიაზე წყლის ჭავლის მანქანები და სპეციალური ტექნიკაა მობილიზებული.

ამ ეტაპზე სპეცტექნიკის გამოყვანის მიზეზი უცნობია, შინაგან საქმეთა სამინისტროს პრესსამსახურს ვერ ვუკავშირდებით.

პარლამენტთან აქცია #ნუმომკლავ დილიდან მიმდინარეობს. დღის განმავლობაში აქციაზე რამდენიმე პირი დააკავეს, მათ შორის თბილისის საკრებულოს ნაციონალური მოძრაობის წევრები ირაკლი ნადირაძე და ლევან ხაბეიშვილი.