თბილისში, ხორავას ქუჩაზე მომხდარ არასრუწლწლოვნების მკვლელობის საქმის ერთ-ერთი მოწმის მამა, მირზა სუბელიანი შინაგან საქმეთა სამინისტროში ადვოკატის გარეშე მივიდა.

სუბელიანმა შესვლამდე ჟურნალისტებს არაფერი უთხრა და მხოლოდ ის განაცხადა, რომ საუბარი გამოძიების პრეროგატივაა. იგი გამოკითხვაზე პირველ ივნისსაც იმყოფებოდა. მაშინ მას რამდენიმე საათის განმავლობაში კითხავდნენ.

ხორავას ქუჩაზე მოკლული დავით სარალიძის მამა, ზაზა სარალიძე მოითხოვს, რომ მირზა სუბელიანის პასუხისგებაში მისცენ.

თბილისის საქალაქო სასამართლომ ხორავას ქუჩის საქმეზე ერთი ბრალდებული სარალიძის ნაწილში გაამართლა, ხოლო მეორე ბრალდებულს სარალაძის ნაწილში მუხლი შეუცვალეს. კერძოდ, მუხლი განზრახ მკვლელობიდან მკვლელობის მცდელობად გადაკვალიფიცირდა. დავით სარალიძის მკვლელობაში ბრალდებული გამოძიებას არ ჰყავს და დაკავებულს ედავებიან მხოლოდ განზრახ მკვლელობის მცდელობას.