უმრავლესობის დეპუტატმა, ბექა ნაცვლიშვილმა გაფიცულ მემანქანეებთან შეხვედრის შემდეგ განაცხადა, რომ ისინი მზად არიან მოლაპარაკებებისთვის და თბილისის სატრანსპორტო კომპანიამ შემხვედრი ნაბიჯი უნდა გადადგას:

"თუ ის მოლაპარაკება იყო უშედეგო და რომელიმე მხარეს თავიდანვე ქონდა ხისტი პოზიცია მე მგონია, რომ მაინც დავრჩა სივრცე მოლაპარაკების. გაფიცულების მხრიდან არის მზაობა."

ნაცვლიშვილის თქმით, გაფიცვა არის ნებისმიერი ადამიანის უფლება და მემანქანეების მხრიდან ეს არის ერთადერთი მექანიზმი, რომლითაც ყურადღების მიქცევა სცადეს მათ პრობლემებზე. მისივე თქმით, შრომითი დავის ერთი კუთხით განხილვა არ შეიძლება და ვინაიდან ანაზღაურება ფასდება მუშაობის ხანგრძლივობის, პირობების და მიყენებული ზიანიდან გამომდინარე, მემაქანეებს პროტესტის უფლება აქვთ.

დღეს, 4 ივნისს თბილისსი მერმა, კახა კალაძემ განაცხადა, რომ მეტროს მემანქანეების პროტესტი მოქალაქეების შანტაჟი და ულტიმატუმებით საუბარია. კალაძემ წარადგინა ბანკის ამონაწერი, რომელიც მისი თქმით, ასახავს მეტროს მემანქანეების ხელფასს და ის გაცილებით მეტია ვიდრე პედაგოგების, სასწრაფო დახმარებისა და საპატრულო პოლიციის თანამშრომლების ხელფასები.

მეტროს მემანქანეებმა გაფიცვა და შიმშილობა გუშინ დაიწყეს, რამაც დღეს, 4 ივნისს, მეტროს პარალიზება გამოიწვია. გაფიცვა ხელფასების ზრდას უკავშირდება. მეტროს მემანქანეები მოითხოვენ, რომ მათი თანამდებობრივი სარგო 45%-ით გაიზარდოს.

მემანქანეების გაფიცვის უფლება თბილისის სატრანსპორტო კომპანიამ სასამართლოში ორჯერ გაასაჩივრა. სასამართლოს ბოლო გადაწყვეტილებით, მემანქანეებს გაფიცვის უფლება განუსაზღვრელი ვადით შეუჩერდათ. ამის მიუხედავად მეტრო გაფიცულია.

სატრანსპორტო კომპანია მემანქანეებს კანონის დაცვისკენ მოუწოდებს. მეტროს მემანქანეების გაფიცვის გამო საზოგადოებრივი ტრანსპორტი უფასოდ მოძრაობს.