პარლამენტთან დაწყებულ ზაზა სარალიძის ძებნას, სახალხო დამცველი, ნინო ლომჯარია ეხმაურება. ლომჯარიას თქმით, სარალიძე კარგადაა და ამის შესახებ ინფორმაცია ზვიად კუპრავას აქვს.

პარლამენტთან მიმდინარე გაერთიანებული ოპოზიციის აქციაზე გიორგი ვაშაძემ განაცხადა, რომ ზაზა სარალიძის ადგილსამყოფელზე ინფორმაცია არ აქვთ და მოუწყოდა საგამოძებო უწყებებს მალევე დაედასტურებინათ სარალიძის ადგილსამყოფელი.

ზაზა სარალიძე დღეს, 3 ივნისს, ვაკის პარკში მიმდინარე აქციაზე მივიდა. სარალიძეს აქტივისტებმა მოუწოდეს უარი ეთქვა პოლიტიკურ პარტიებთან კავშირზე და რასაც ხმაური და სიტყვიერი დაპირისპირება მოყვა.

სარალიძემ აქცია სახალხო დამცველთან ერთად დატოვა და განაცხადა, რომ სახლში მიდიოდა. მისი თქმით, ვერც ამ აქციაზე დაინახა ერთობა და დაბრუნდებოდა მხოლოდ მაშინ, როცა იქ უბრალო ხალხი დახვდებოდა.

სარალიძის და ომბუდსმენის გასვლას ხმაური მოყვა. აქციის მონაწილეებმა სიტყვიერი შეურაცხყოფა მიაყენეს ლომჯარიას.