ევროპული საქართველოს პროკურორობის კანდიდატი, შალვა შავგულიძე პარტიის შეთავაზებას დათანხმდა და მზადაა, მთავარი პროკურორის თანამდებობა დაიკავოს. მისი განცხადებით, გამოწვევისთვის მზად არის, თუმცა მთავარი პროკურორის დანიშვნის საკითხს მხოლოდ მმართველი პოლიტიკური ძალა წყვეტს.

"თუ საზოგადოება, მისი გარკვეული ნაწილი ჩემ მიმართ გამოხატავს ნდობას, მე, რა თქმა უნდა, არ გავექცევი ამ პასუხისმგებლობას",- ამბობს შავგულიძე.

ევროპულმა საქართველომ პროკურორის კანდიდატურაზე შალვა შავგულიძე დღეს წარადგინა.

31 მაისს თბილისის საქალაქო სასამართლომ ხორავას ქუჩის საქმეზე ერთი ბრალდებული სარალიძის ნაწილში გაამართლა, ხოლო მეორე ბრალდებულს სარალაძის ნაწილში მუხლი შეუცვალეს და განზრახ მკვლელობიდან, მკვლელობის მცდელობად გადაკვალიფიცირდა.

განაჩენის გამოცხადების შემდეგ ზაზა სარალიძემ პროკურატურასთან აქცია გამართა და შოთაძის გადადგომა და საქმეში გარეული პირების დასჯა მოითხოვა. რამდენიმე საათში ირაკლი შოთაძე გადადგა. ამ დროიდან მთავარი პროკურორის თანამდებობა ვაკანტურია.