"ძალიან დიდი იმედი მქონდა ბატონი პრემიერ-მინისტრი როდესაც მოვიდა", - ზაზა სარალიძის თქმით, გიორგი კვირიკაშვილის აქციაზე გამოჩენის დროს ეგონა, რომ იგი კონკრეტული პიროვნების დაკავების და პასუხისგებაში მიცემის შესახებ აცნობებდა ხალხს, თუმცა მოტყუვდა. ამის შესახებ სარალიძემ TV პირველის ეთერში ისაუბრა.

სარალიძემ განაცხადა, რომ პრემიერი მიიღო როგორც ადამიანი და არა პოლიტიკოსი:

"მე ის მივიღე როგორც ადამიანი და არა როგორც პრემიერ-მინისტრი. მე ვიგრძენი მისი გადადგმული ნაბიჯი იქიდან გამომდინარე, რომ ადამიანურად მოვიდა, რომ სოლიდარობა გამოეცხადებინა ჩემთვის."

აქციაზე #ნუმომკლავ პრემიერის მისვლა მოითხოვეს. მისვლის შემდეგ კი პრემიერს არ მოუსმინეს და ბოთლები ესროლეს. ზაზა სარალიძემ განაცხადა, რომ აქციაზე კვირიკაშვილი მივიდა არა იმიტომ რომ მისთვის თანაეგრძნო, არამედ ისევ მოეტყუებინა ის.