რუსეთის საგარეო საქმეთა მინისტრი სერგეი ლავროვი ჩრდილოეთ კორეაში ოფიციალური ვიზიტით გაემგზავრა და კიმ ჩენ ინს შეხვდა.

როგორც ცნობილია, ლავროვი კიმ ჩენ ინთან რეგიონში არსებულ მდგომარეობაზე ისაუბრა. სერგეი ლავროვა შეხვედრის შემდეგ განაცხადა, რომ კორეის ნახევარკუნძულზე მდგომარეობა მანამ არ გამოსწორდება, სანამ ჩრდილოეთ კორეას საერთაშორისო სანქციებს არ მოხსნიან. გარდა ამისა მან აღნიშნა, რომ აშშ-სა და ჩრდილოეთ კორეის მოლაპარაკებებში რუსეთი ვერ ჩაერევა.

კიმ ჩენ ინმა კი აღნიშნა, რომ ლავროვის ვიზიტი მიანიშნებს, რომ რუსეთი მზადაა ჩრდილოეთ კორეასთან ურთიერთობები გააფართოვოს. მან ასევე ხაზი გაუსვა, რომ მზადაა რუსეთთან მოლაპარაკებებზე წავიდეს.

ამ დრომდე ყველაზე განხილვად თემად რჩება შეხვდებიან თუ არა ერთმანეთს ჩრდილოეთ კორეის ლიდერი და აშშ-ის პრეზიდენტი. დონალდ ტრამპმა 12 ივნისს სინგაპურის შეხვედრა გააუქმა, თუმცა მხარეები სამიტის მოწყობისთვის მოლაპარაკებებს აგრძელებენ.

რუსეთის ოფიციალური პირები ჩრდილოეთ კორეის ამჟამინდელ პირებს პირველად ხვდებიან. ბოლო შეხვედრა ჩრდილოეთ კორეის ლიდერსა და რუსეთის საგარეო საქმეთა მინისტრს შორის 2009 წელს შედგა.

ფოტო: Валерий Шарифулин / ТАСС / Scanpix / LETA