თბილისის საქალაქო სასამართლოს გადაწყვეტილებით, არაა დადგენილი, ვინ მოკლა თბილისში, ხორავას ქუჩაზე დავით სარალიძე. ამის შესახებ სასამართლოს სხდომის დასრულების შემდეგ ხორავას ქუჩის საქმეში ბრალდებული არასრულწლოვნების ადვოკატებმა რუსთავი 2-ს განუცხადეს.

ერთ-ერთი ბრალდებულის ადვოკატი ამბობს, რომ გამოძიება არ არის სრულყოფილად ჩატარებული.

"არ ვიცით ვინ მიაყენა დავით სარალიძეს სასიკვდილო ჭრილობები. ჩვენ, სამხარაულის ექსპერტიზამ, დამოუკიდებელმა ექსპერტებმა დაადგინეს, რომ არცერთი 5-ვე შემავალი ჭრილობა, არ არის მიყენებული ჩვენი დაცვის ქვეშ მყოფი მიერ. ასევე გამართლდა, კანონთა კონფლიქტში მყოფი მეორე არასრულწლოვანი ბავშვი, შესაბამისად, დაუდგენელია, ვინ მიაყენა დავით სარალიძეს სასიკვდილო ჭრილობა. გამოძიება არ არის ყოველთვის სრულად და ობიექტურად ნაწარმოები, ამიტომ არ ვიცი, როგორ მოიქცევა პროკურატურა. დადგინდა, რომ პროკურატურას არ ჰქონდა სწორი პოზიცია. ფაქტობრივად დადგინდა, რომ ნამდვილი მკვლელები გარეთ არიან. ახლა უნდა გადაწყვიტოს პროკურატურამ როგორ მოიქცევა, იმ გამომძიებლების და პროკურორების მიმართ, რომელთაც დამალეს ნამდვილი დამნაშავეები. რაც შეეხება ჩვენს ნაწილს, ჩვენ გავასაჩივრებთ", - ამბობს ერთ-ერთი ბრალდბეულის ადვოკატი, ირაკლი ჩომახაშვილი რუსთავი 2-თან საუბრისას.

"მივიღე დავით სარალიძის სრულად გამამართლებელი განაჩენი. რა თქმა უნდა, მე ვიცოდი, რომ საერთოდ არ ჰქონია შეხება და ეს კარგად იცოდა ზაზა სარალიძემაც, რომ დავით სარალიძესთან შეხება არ ჰქონია ჩემს დაცვის ქვეშ მყოფს. ვინაიდან იყო ჩხუბი, იყო ინციდენტი, არაერთი დაზიანება აქვს ლევან დადუნაშვილს, როგორც სხეულზე ასევე ხელებზე და ტანსაცმელზე არსებული დაზიანება, რომელიც სხეულზე არ არსებობს და არხის მიმართულებები არის აბსოლუტურად სხვა. აქედან გამომდინარე ველოდებოდი, რომ 117-ე მუხლით უნდა ყოფილიყო ჩემი დაცვის ქვეშ დასჯილი და განზრახ მკვლელობაში უნდა გამართლებულიყო", - განუცხადა რუსთავი 2-ს ერთ-ერთი ბრალდებულის ადვოკატმა ირმა შარაშენიძემ.

On.ge-ს უწევს ამ სასამართლო გადაწყვეტილების მხოლოდ მხარეებზე დაყრდნობით გაშუქება, რადგან სხდომა დახურული იყო, პრესსამსახურში კი სატელეფონო ზარებს უკვე თითქმის ერთი საათია არ პასუხობენ.

გავრცელებული ინფორმაციით, ხორავას ქუჩაზე მოკლული ლევან დადუნაშვილის მკვლელობის საქმეზე თბილისის საქალაქო სასამართლომ გამამტყუნებელი განაჩენი გამოიტანა. რაც შეეხება მეორე მოკლულს, დავით სარალიძეს, მისი მკვლელობის საქმეზე მოსამართლემ ბრალი მკვლელობიდან მკვლელობის მცდელობაზე გადააკვალიფიცირა. ამ დროისათვის უცნობია, ვინ მოკლა არასრულწლოვანი დავით სარალიძე.

ადვოკატი: