ჰოლივუდის ვარსკვლავები, სარა პოლსონი და ჰოლანდ ტეილორი უკვე 3 წელზე მეტია ერთად არიან. როგორც მოსალოდნელი იყო, მათ შორის დიდი ასაკობრივი სხვაობის გამო (32 წელი) ყვითელ პრესასა და ჭორიკნებს სალაპარაკო თემა მიეცათ და აქტიურად განიხილავენ პოლსონი-ტეილორის წყვილს.

როგორც ჩანს, პოლსონს ყელში ამოუვიდა არამკითხე მოამბეების ლაქლაქი და პირველი კომენტარიც გააკეთა:

"თუკი ვინმეს სურს, რომ უცნაურად ჩამთვალოს იმიტომ, რომ მსოფლიოში ყველაზე უჩვეულო ადამიანზე ვარ შეყვარებული, ეს მისი პრობლემაა. მე ყველაფერი კარგად მაქვს და რაც მთვარია, ბედნიერი ვარ. სისულელეა ვინმე იმის გამო განსაჯო, თუ ვისთან იზიარებს საწოლს, სახლსა და სულს. ეს მხოლოდ ჩემი საქმეა. ჩვენ ძალიან გვიყვარს ერთმანეთი", - ამბობს სარა.