შინაგან საქმეთა სამინისტრომ მარნეულში ადამიანით ვაჭრობის ბრალდებით ერთი პირი დააკავა. ბრალდება 12-დან 15 წლამდე ვადით თავისუფლების აღკვეთას ითვალისწინებს.

შსს-ს ცნობით, დაკავებული პირი ადამიანებით სისტემატურად ვაჭრობდა, სხვადასხვა ასაკის გოგონებს მოტყუებით იბირებდა, მარნეულში მდებარე სასტუმროს ტიპის დაწესებულებაში აცხოვრებდა და მუქარით, ფსიქიკური და ფიზიკური იძულებით, მათ სექსუალურ ექსპლუატაციას ახორციელებდა.

გამოძიება ორი ან მეტი პირის მიმართ ადამიანით ვაჭრობის ფაქტზე მიმდინარეობს.