ლა ლიგის მიმდინარე სეზონის 34 გოლით დასრულების შემდეგ ლიონელ მესიმ ოქროს ბუცი მეხუთედ მოიგო. ეს კი სარეკორდო მაჩვენებელია. აქამდე საუკეთესო მაჩვენებელს არგენტინელი ფეხბურთელი კრიშტიანუ რონალდუსთან იყოფდა.

მესის მთავარი კონკურენტი მოჰამედ სალაჰი გამოდგა, რომელმაც პრემიერლიგაში 32 გოლი გაიტანა.

მესიმ ეს ინდივიდუალური ჯილდო 2009-10, 2010-11, 2012-13, 2016-17, 2017-18 წლების სეზონებში მოიგო.

შეგახსენებთ, რომ 1997 წლიდან ოქროს ბუცის გაცემა ხდება ქულების პრინციპით, რომლის მიხედვითაც, ევროპის 5 საუკეთესო ჩემპიონატში გატანილი ერთი გოლი ორ ქულად ფასობს.