ჭიათურაში, კოროხნარის მაღაროში მუშა დაშავდა, მისი მდგომარეობა მძიმეა. მომხდარ შემთხვევას ადასტურებენ შინაგან საქმეთა სამინისტროშიც.

როგორც ექიმმა, თამაზ გრძელიძემ რუსთავი 2-ს განუცხადა, დაშავებულ მუშას მრავლობითი ტრავმები, თავის ტვინის შერყევა და სხვა სახის დაზიანებები აქვს.

შინაგან საქმეთა სამინისტრო საქმეს სისხლის სამართლის კოდექსის 240-ე მუხლით იძიებს. ამ მუხლით, სისხლის სამართლის პასუხისმგებლობა სამთო, სამშენებლო ან სხვა სამუშაოს წარმოებისას უსაფრთხოების წესის დარღვევისთვის დგება.