17 მაისს რუსთაველის გამზირზე მოსიარულე, ცხენზე ამხედრებული რაინდი ზედაზენის სარეკლამო კამპანიის ნაწილია. ამის შესახებ ინფორმაცია On.ge-ს ზედაზენში დაუდასტურეს.

კომპანიის პიარსამსახურის წარმომადგენლის თქმით, ცხენოსანი ოჯახის სიმტკიცის დღესთან დაკავშირებულ მსვლელობას არ უკავშირდება.

On.ge-ს კითხვაზე, რატომ გამოვიდა რუსთაველზე ზედაზენთან ასოცირებული სიმბოლოებით რაინდი მაინცდამაინც 17 მაისს, კომპანიაში აცხადებენ, რომ ოფიციალურ განმარტებას მხოლოდ ორშაბათს გააკეთებენ.

ზედაზენის მიერ ჰოლსტინის ბრენდის ლუდის ჩამოსხმის დაწყებასთან დაკავშირებით კომპანიის გენერალურმა დირექტორმა, კახა კოტრიკაძე ფორბსთან ინტერვიუში ისაუბრა. სწორედ ამ ლუდის ლოგო ჰგავს იმ ცხენოსან კაცს, რომელიც დღეს თბილისში გადაადგილდებოდა. კომპანიამ მსგავსი სარეკლამო კამპანია "ოჯახის სიწმინდის დღის აღნიშვნას" დაამთხვია.