მანჩესტერ სიტიმ პრემიერ ლიგის 37-ე ტურში ბრაიტონი ანგარიშით 3:1 დაამარცხა და პრემიერ ლიგის 3 რეკორდი დაამყარა.

"ქალაქელებს" ჯამურად 97 ქულა აქვთ, ეს კი საუკეთესო მაჩვენებელია. აქამდე ყველაზე მეტი 95 ქულა ჩელსის ჰქონდა მოპოვებული.

სიტიმ რეკორდი მოპოვებული გამარჯვებების რაოდენობაშიც დაამყარა. მათ ინგლისის ჩემპიონატის მიმდინარე სეზონში 31-ჯერ მოახერხეს მატჩის მოგება და ისევ ჩელსის აქამდე საუკეთესო შედეგი (30 მოგება) გააუმჯობესეს.

დაბოლოს, მანჩესტერულმა კლუბმა პრემიერ ლიგის მიმდინარე სეზონში 105 გოლი გაიტანა და 2009-10 წლების ჩელსის შედეგი (103 გოლი) გააუმჯობესა.

საგულისხმოა, რომ სიტის კიდევ ერთი შეხვედრა აქვს ჩასატარებელი.