ყველაზე მაღალანაზღაურებადი დიჯეი კალვინ ჰერისი ლოს-ანჯელესში, ბევერლი-ჰილზზე ავარიაში მოყვა. ინციდენტის შედეგად, ორი ადამიანი დაშავდა.

როგორც აღმოჩნდა, ავარიის დროს მანქანაში კალვინი და მისი შეყვარებული ისხდნენ. როგორც ცნობილია, ჰონდაზე შეჯახებისას, რენჯ როვერს კალვინის შეყვარებული, აარიკა ვოლფი მართავდა.

ინფორმაცია ტაბლოიდმა TMZ-მ გაავრცელა, რომლის მიხედვითაც დაშავებულები ჰონდაში ისხდნენ და ისინი, პოლიციაში სარჩელის შეტანას გეგმავდნენ.

ავარიიდან რამდენიმე დღეში, ჰერისმა ტვიტერზე განცხადება გამოაქვეყნა, რომელიც მოგვიანებით მუსიკოსმა წაშალა:

"ჩემს თავს შევპირდი, რომ ისეთს აღარაფერს გავაკეთებ, რომ TMZ-ის სტატიაში კიდევ აღმოვჩნდე. სამწუხაროდ, ყველაფერი ჩემი კონტროლის ქვეშ არ იყო. საბედნიეროდ, ყველა კარგადაა".