ენაზეწამოცმული პრეზერვატივი - ეს არის პრეზერვატივების ქართული ბრენდის, აიისას პასუხი თბილისის საქალაქო სასამრთლოს. რელიგიური გრძნობების შელახვის მოტივით კომპანიის 500 ლარით დაჯარიმების შემდეგ, აიისამ ფეისბუქზე პოსტი გამოაქვეყნა - "დაიცავი სიტყვის თავისუფლება! ის უზენაესია".

როგორც აიისას დამფუძნებლმა ანანია გაჩეჩილაჩემ On.ge-სთან განმარტა, ვინაიდან პრეზერვატივი დაცვის სიმბოლოა, ამ ფორმით აიისა სიტყვის გამოხატვის თავისუფლების დაცვას მოითხოვს და ცენზურას აპროტესტებს.

თბილისის საქალაქო სასამართლომ მიიჩნია, აიისა მართლმადიდებელი ეკლესიის მრევლის რელიგიურ გრძნობებს ლახავს და კომპანია 500 ლარით დააჯარიმა, პროდუქციის ამოსაღებად კი ერთიკვირიანი ვადა მისცა. კომპანია სასამართლო გადაწყვეტილებას სააპელაციო სასამართლოში გაასაჩივრებს.

გაიგეთ მეტი: