პრეზერვატივების ქართული ბრენდი აიისა რეკლამის კანონის მესამე მუხლის მესამე პუნქტს საკონსტიტუციო სასამართლოში გაასაჩივრებს.

ამის შესახებ On.ge-ს აიისას კანონიერმა წარმომადგენელმა გიორგი მშვენიერაძემ განუცხადა.

რეკლამის კანონის მესამე მუხლის მესამე პუნქტი არაკეთილსინდისიერი რეკლამის განმარტებას ადგეს.

განმარტების მიხედვით, არაკეთილსინდისიერია რეკლამა, რომელიც შეიცავს რეკლამირებადი საქონლის არაკორექტულ შედარებებს სხვა ფიზიკურ და იურიდიულ პირთა საქონელთან, კონკურენტის ან მესამე პირის სახელის, ღირსებისა და რეპუტაციის შემლახავ გამოთქმებს, ახდენს იმ ფიზიკურ და იურიდიულ პირთა დისკრედიტირებას, რომლებიც არ სარგებლობენ რეკლამირებადი საქონლით, აგრეთვე რომელსაც ფიზიკურ პირთა ნდობის ანდა მათი ცოდნისა და გამოცდილების უკმარისობის ბოროტად გამოყენებით შეცდომაში შეჰყავს მომხმარებელი რეკლამირებადი საქონლის თვისებების შესახებ.

თბილისის საქალაქო სასამართლომ მიიჩნია, რომ პრეზერვატივიების ქართული ბრენდი აიისა მართლმადიდებელი ეკლესიის მრევლის რელიგიურ გრძნობებს ლახავს. სასამართლომ კომპანია 500 ლარით დააჯარიმა და პროდუქციის ამოსაღებად ერთიკვირიანი ვადა მისცა.