შინაგან საქმეთა სამინისტროს ინფორმაციით, დღეს, 2 მაისს გირჩის ოფისთან დაკავებული მირიან სარიშვილი ნარკოტიკულ საშუალებას უკანონოდ ყიდდა. თუმცა დაკავების დროს სამოქალაქო ფორმაში ჩაცმული სამართალდამცავები აღნიშნავდნენ, რომ მას ნარკოტიკების მოხმარებას ედავებოდნენ და პოლიციის განყოფილებაში რამდენიმესაათიანი დაკითხვის შემდეგ ნარკოლოგიურ დაწესებულებაშიც გადაიყვანეს.

"პოლიციის ხელთ არსებული ოპერატიული ინფორმაციით, მ.ს. ნარკოტიკებს უკანონოდ ასაღებდა. სამართალდამცველებმა იგი, შესაბამისი საპროცესო მოქმედებების ჩატარების მიზნით, თბილისში, ქავთარაძის ქუჩაზე შეაჩერეს", - აღნიშნულია შსს-ს განცხადებაში.

უწყების ცნობით, ის ადმინსტრაციულ სამართალდარღვევათა კოდექსის 45-ე მუხლის შესაბამისად დააკავეს, რაც ნარკოტიკული საშუალების გასაღების მიზნის გარეშე, მცირე ოდენობით უკანონოდ შეძენა-შენახვას გულისხმობს და ექიმის დანიშნულების გარეშე მოხმარებას.

ამავე თემაზე: