პრეზიდენტმა, გიორგი მარგველაშვილმა პროტესტის ნიშნად პარლამენტის სხდომათა დარბაზი დატოვა. როგორც მან ჟურნალისტებთან განმარტა, მას დეპუტატებთან დებატებში შესვლა სურს

"პრეზიდენტისთვის პასუხის გაცემა იმ კითხვებზე, რომლებსაც სვამს პარლამენტი და როდესაც პარლამენტი ამას მიკრძალავს, შინაარსს ვერ ვხედავ. ასე შემიძლია, ტელევიზორში ვუყურო ამ სხდომას. აქედან გამომდინარე, იმედი მაქვს, რომ პარლამენტი მომცემს შესაძლებლობას, რომ დეპუტატებთან დებატების ფორმატში შევიდე. არსად არ წერია რეგლამენტში, რომ პრეზიდენტს პასუხის გაცემის შესაძლებლობა არ უნდა ჰქონდეს. დანარჩენი გაარკვიონ თვითონ", - განაცხადა მარგველაშვილმა.