საქართველოს პრეზიდენტმა გიორგი მარგველაშვილმა პარლამენტის სხდომათა დარბაზი დატოვა. როგორც On.ge-ს ჟურნალისტი პარლამენტიდან იუწყება, მიზეზი პროტესტია.

პრეზიდენტის თქმით, მას დებატებში მონაწილეობის საშუალება არ მიეცა. პარლამენტის თავმჯდომარემ, ირაკლი კობახიძემ გიორგი მარგველაშვილს უთხრა, რომ რეგლამენტით დებატები გათვალისიწნებული არ იყო.

"ის, რაც გააკეთა ბატონმა გიორგიმ არის საქართველოს კანონმდებლობის, რეგლამენტი არის კანონის ძალის მქონე აქტი, ეს არის საქართველოს კანონმდებლობის, კანონის და ინსტიტუტის უპატივცემულობა და მე ეჭვი მიჩნდება, რომ ეს იყო წინასწარ დაგეგმილი და დადგმული, რაც კიდევ უფრო მეტად სამწუხაროა", - განაცხადა კობახიძემ.

"რადგან დაანონსდა დებატი, მინდა მქონდეს შესაძლებლობა, რომ ვუპასუხო კითხვებს. აზრი არ აქვს, მაშინ ტელევიზორში ვუყურებ ამ ყველაფერს. თუ მომცემენ შესაძლელობას, რომ ვუპასუხო კითხვებს და ვესაუბრო, იყოს დებატები, რადგანაც ასე იყო დაანონსებული", - აღნიშნა გიორგი მარგველაშვილმა სხდომის დატოვების შემდეგ.

ამავე თემაზე: პრეზიდენტის 2018 წლის მოხსენება - სრულად