ქართული ოცნების ლიდერმა, მამუკა მდინარაძემ პრეზიდენტი გიორგი მარგველაშვილი საპარლამენტო ტრიბუნიდან გააკრიტიკა და თქვა, რომ მან არ გამოიყენა შანსი გამხდარიყო საზოგადოების გამაერთიანებელი და პოლიტიკური პროცესების დამბალანსებელი.

მამუკა მდინარაძემ მარგველაშვილს "რამდენიმე ოპოზიციური პარტიისა და ორგანიზაციის პრეზიდენტი" უწოდა:

"ამ უკიდურესად პოლარიზებულ პოლიტიკურ სისტემაში, თქვენ გქონდათ შანსი, ყოფილიყავით ერთადერთი ადამიანი, უმაღლესი პოლიტიკური თანამშებობის პირებს შორის, რომელიც ილაპარაკებდა ყოველგვარი სუბიექტივიზმისგან თავისუფალ სიმართლეს, და ამას საზოგადოება კარგად დაინახავდა, სწორად შეაფასებდა, თუმცა თქვენ ეს უნიკალური შანსი არ გამოიყენეთ".

დღეს, 2 მაისს პრეზიდენტი გიორგი მარგველაშვილი პარლამენტში ყოველწლიური მოხსენებით წარსდგა.

პრეზიდენტის 2018 წლის მოხსენება - სრულად