NDI-ის კვლევის მიხედვით, გამოკითხულთა 26 პროცენტის შეხედულებებთან ყველაზე ახლოს ქართული ოცნება დგას.

გამოკითხულთა 41 პროცენტის განცხადებით, მათ შეხედულებებთან არც ერთი პარტია არ დგას.

9 პროცენტი ნაციონალური მოძრაობის შეხედულებებს იზიარებს, 4 პროცენტი კი ევროპული საქართველოსას.

ფოტო: NDI

NDI-ის 2018 წლის იანვრის თვის კვლევის მიხედვით, გამოკითხულთა 31%-ისთვის, მათ შეხედულებებთან ყველაზე ახლოს პარტია ქართული ოცნება იდგა.

კითხვაზე არც ერთი - 30-მა პროცენტმა უპასუხა.

ნაციონალური მოძრაობა მათ შეხედულებებთან ყველაზე ახლოს მდგომ პარტიად, გამოკითხულთა 10-მა პროცენტმა დაასახელა, ევროპული საქართველო 4-მა პროცენტმა, ხოლო პატრიოტთა ალიანსს საკუთარ შეხედულებებთან ახლოს მდგომ პარტიად 3 პროცენტი ასახელებდა.

NDI-მ 20 მარტი - 4 აპრილის პერიოდში საქართველოს მასშტაბით წარმომადგენლობითი შერჩევის საფუძველზე 2 194 ადამიანი შეარჩია (გამოპასუხება 46%). კვლევა პირისპირ ინტერვიუს სახით ჩატარდა და მისი ცდომილება 2,2 პროცენტია. კვლევა დიდი ბრიტანეთის მთავრობის UK aid-ის ფინანსური ხელშეწყობით ჩატარდა, საველე სამუშაოები კი CRRC-საქართველომ შეასრულა.