ტერორისტული ორგანიზაციის მხარდაჭერის ბრალდებით თურქეთის სასამართლომ 13 ჟურნალისტს პატიმრობა მიუსაჯა. ინფორმაციას BBC ავრცელებს. ჟურნალისტები გაზეთ Cumhuriyet-ის თანამშრომლები არიან.

სასამართლომ მიიჩნია, რომ ჟურნალისტები თავისი საქმიანობით ხელს უწყობენ ქურთისტანის მუშათა პარტიას, ულტრამემარჯვენე რევოლუციურ სახალხო განმათავისუფლებელ პარტიასა და ფეტულა გიულენის საქმიანობას.

გაზეთი Cumhuriyet თურქეთის პრეზიდენტის, რეჯეფ ტაიპ ერდოღანის მიმართ კრიტიკულად არის განწყობილი.

გაზეთის აღმასრულებელ დირექტორს შვიდი წლით თავისუფლების აღკვეთა მიუსაჯეს, ხოლო მთავარ რედაქტორს შვიდ-ნახევარი წელი მიუსაჯეს. თანამშრომლები სააპელაციო სასამართლოს გადაწყვეტილებამდე თავისუფლებაზე რჩებიან.