შინაგან საქმეთა სამინისტროს განცხადებით, სამართალდამცველებმა ბოლო ოთხ თვეში, პირველი იანვრიდან 24 აპრილამდე, მთელი ქვეყნის მასშტაბით, უკანონო ბრუნვიდან 18 კილოგრამი ნარკოტიკული საშუალებები ამოიღეს.

უწყების მტკიცებით, ამავე პერიოდში, ნარკოდანაშაულისთვის პასუხისგებაში მიცემულია 754 პირი, მათ შორის 394 პირი დიდი და განსაკუთრებით დიდი ოდენობით ნარკოტიკული საშუალების უკანონო შეძენა-შენახვის და ასევე რეალიზაციის ბრალდებით დააკავეს.

შინაგან საქმეთა სამინისტროს ცნობით, მიმდინარე წლის პირველი იანვრიდან 24 აპრილამდე, მთელი ქვეყნის მასშტაბით, ამოიღეს:

  • 2,6 ჰეროინი;
  • 0,723 კგ კოკაინი;
  • ბუპრენორფინის შემცველი 3000 აბი;
  • 1,355 კგ MDMA;
  • 0,65 კგ სხვადასხვა სახის ფსიქოტროპული ნივთიერება;
  • 0,318 კგ ახალი ფსიქოაქტიური ნივთიერება;
  • 0,13 კგ მორფინი.