"ისინი უხეშად არღვევენ დემოკრატიის მთავარ პრინციპს, რომლის მიხედვითაც ჯარისკაცები არ უნდა ჩაერთონ პოლიტიკაში", - ასე შეაფასა სომხეთის თავდაცვის მინისტრმა, ვიგენ სარგსიანმა, ჯარისკაცების სამოქალაქო პროტესტში ჩართვა. ინფორმაციას რადიო თავისუფლება ავრცელებს.

დღეს, 23 აპრილს პროტესტის მონაწილეებს ასეულობით ჯარისკაცი შეუერთდა. ვიგენ სარგსიანის თქმით, თავდაცვის სამინისტროს ექნება უმკაცრესი რეაგირება და ჯარისკაცები დაისჯებიან.

ფოტო: Photolure

ერევანში მე-11 დღეა საპროტესტო აქციები მიმდინარეობს. ქალაქის ქუჩებში ათასეულობით ადამიანი სომხეთის ყოფილი პრეზიდენტის და ახლადარჩეული პრემიერ-მინისტრის, სერჟ სარგსიანის გადადგომას მოითხოვს.