ერევანში მე-11 დღეა საპროტესტო აქციები მიმდინარეობს. ქალაქის ქუჩებში ათასეულობით ადამიანი სომხეთის ყოფილი პრეზიდენტის და ახლადარჩეული პრემიერ-მინისტრის, სერჟ სარგსიანის გადადგომას მოითხოვს.

გუშინ, 22 აპრილს სომხეთის პოლიციამ აქციები არასანქცირებულად გამოაცხადა და მომიტინგეებს დაშლისკენ მოუწოდა, წინააღმდეგ შემთხვევაში კი დაპატიმრებით დაემუქრა. აქციებზე 232 ადამიანი დააკავეს, მიუხედავად ამისა პროტესტი გრძელდება. დღეს, 23 აპრილს პროტესტის მონაწილეებს ასეულობით ჯარისკაცი შეუერთდა. ინფორმაციას რადიო თავისუფლება ავრცელებს.

ფოტო: Amos Chapple - RFE/RL

ფოტო: Photolure