პრემიერლიგის 2017-18 წლების სეზონის საუკეთესო ფეხბურთელად ლივერპულის ფორვარდი მოჰამედ სალაჰი დაასახელეს.

ჩელსის ყოფილმა ფეხბურთელმა სიტის ერთ-ერთ ლიდერ კევინ დე ბრუინს, დავიდ სილვას, ლეროი სანეს, დავიდ დე ხეასა და ჰარი კეინს აჯობა.

სალაჰმა მიმდინარე სეზონის 46 შეხვედრაში 41 გოლი გაიტანა. იგი მერსესაიდელებს რომადან შეუერთდა და პირველი ეგვიპტელი გახდა, რომელმაც ამ ჯილდოს მოპოვება შეძლო.

"ჩემთვის ეს დიდი პატივია. საკუთარ თავზე ნაკლებად ვფიქრობ. ყველაზე მნიშვნელოვანი, ეს გუნდთან ერთად ტიტულის მოგებაა და ამასთან ძალიან ახლოს ვართ. იმედია, გავიმარჯვებთ კიდეც".

"გუნდი თავისი სათამაშო სტილით მეხმარებოდა. ფეხბურთელები მუდმივად ცდილობდნენ, რომ ჩემთვის პასი გაეკეთებინათ", - განაცხადა ჯილდოს მიღების შემდეგ სალაჰმა.