ამერიკის შეერთებული შტატების სახელმწიფო დეპარტამენტი 2017 წლის ანგარიშში საქართველოში მცხოვრებ ლგბტ პირთა მდგომარეობას მიმოიხილავს. ანგარიში სახალხო დამცველისა და არასამთავრობო ორგანიზაციების დასკვნებს ეფუძნება.

ორგანიზაციების დასკვნებზე დაყრდნობით, ანგარიშში წერია, რომ ლგბტ პირები ცხოვრების ყველა სფეროში სისტემური ძალადობის, ჩაგვრისა და დისკრიმინაციის მსხვერპლი არიან, ხოლო საზოგადოების ცრურწმენები მათ მიმართ ისევ ძლიერია

"ორგანიზაციები აცხადებენ, რომ არაეფექტური ანტიდისკრიმინაციული პოლიტიკის გამო ლგბტ საზოგადოებამ სახელმწიფო ორგანოზების მიმართ ნდობა დაკარგა და მაგალითად რამდენიმე პოლიტიკოსისა და საჯარო პირის ჰომოფობიურ განცხადებები მოიყვანეს", - წერია ანგარიშში.

ანგარიშში ლევან ბერიანიძისა და თორნიკე კუსიანის საქმე განხილული. 2017 წლის 25 აგვისტოს ბათუმში მომხდარი ფაქტი მოიყვანა. ბათუმის ბულვარში პოლიციამ თანასწორობის მოძრაობის აღმასრულებელი დირექტორი, ლევან ბერიანიძე და ორგანიზაციის წევრი, თორნიკე კუსიანი დააკავა. დაკავებულები ამბობდნენ, რომ მათ პოლიციელებმა სიტყვიერი და ფიზიკური შეურაცხყოფა მიაყენეს.

ასევე, ანგარიშში განხილულია უზენაესი სასამართლოს მიერ დადგენილება, რომლითაც შინაგან საქმეთა სამინისტრომ 17 მაისის აქციის მონაწილეებისთვის მორალური ზიანის ანაზღაურება დაავალა. ცალკე საკითხადაა განხილული პირადობის მოწმობაში ტრანსგენდერების მიერ სქესის ჩანაწერის ცლილება.

სახელმწიფო დეპარტამენტი ანგარიშში 2017 წლის 17 მაისის აქციასაც შეეხო. ისინი აღნიშნავენ, რომ აქციამ ინციდენტების გარეშე ჩაიარა და დემონსტრანტებს სამართალდამცავი ორგანოები იცავდნენ, თუმცა უსაფრთხოების გაძლიერებული ზომები შეკრების თავისუფლებას ზღუდავს.

ამავე თემაზე: