ამერიკის შეერთებული შტატების 2017 წლის ანგარიში საქართველოში მედიის თავისუფლების კუთხით არსებულ მდგომარეობას მიმოიხილავს.

ანგარიშის ერთ-ერთ ქვეთავში ნათქვამია, რომ თავისუფალი მედია ძალიან აქტიური იყო და ხედვების ფართო სპექტრს აშუქებდა. მიუხედავად ამისა, სამი ტელევიზიის (მაესტრო, იმედი და GDS) ერთ ჰოლდინგად გაერთიანებამ და საზოგადოებრივი მაუწყებლის მენეჯმენტის ცვლილებამ მედია პლურალიზმი შეამცირა და საზოგადოების აღქმა გაზარდა, იმაზე რომ მედიასივრცე კონცენტრირებულია მმართველი პარტიის სასარგებლოდ.

"4 ნოემბერს, 29 არასამთავრობო ორგანზიაციამ გამოთქვა წუხილი, მთავრობისა და ქვეყნის ყოფილ პრემიერ-მინისტრთან დაკავშირებული პირების გავლენების ზრდის გამო", - ნათქვამია ანგარიშში.

აშშ-ს სახელმწიფო დეპარტამენტი მიუთითებს იმაზეც, რომ მაუწყებლობის შესახებ კანონი, რომელიც პარლამენტმა 22 დეკემბერს დაამტკიცა, გაზრდის არხის მენეჯმენტის ძალაუფლებას, შეასუსტებს სამეურვეო საბჭოს, გაზრდის კორუფციის რისკსა და შეასუსტებს არხის თანამშრომლების დაცვის მექანიზმს.

ანგარიშში აღნიშნულია რუსთავი 2-ის საქმეც, რომლის კონტექსტშიც ნათქვამია, რომ ზოგიერთი მედიასაშუალება და არასამთავრობო ორგანიზაცია შეშფოთებას გამოხატავს კრიტიკულად განწყობილი მედიის საქმიანობაში პოლიტიკური ჩარევის გამო.

ანგარიშში ნათქვამია ისიც, რომ არასამთავრობოებმა გააკრიტიკეს სასამართლო დამოუკიდებლობის ნაკლებობაც, როდესაც უზენაესმა სასამართლომ ტელეკომპანია რუსთავი 2 მის ყოფილ მფლობელს, ქიბარ ხალვაშს მიაკუთვნა. ნახსენებია ისიც, რომ ევროსასამართლომ უზენაესის გადაწყვეტილების აღსრულება დროებით შეაჩერა.

ამერიკის შეერთებული შტატების სახელმწიფო დეპარტამენტის ბოლო ანგარიშის ნაწილი ეთმობა თბილისიდან გატაცებული აზერბაიჯანელი ჟურნალისტის, აფგან მუხტარლის საქმესაც:

"სახელმწიფოს მექანიზმის ეფექტურობა და უშიშროების ძალები, რომ გამოძიება ჩაეტარებინა და კანონის ფარგლებში დაესაჯა ძალის გადამეტებაზე ვინმე, შეზღუდული იყო, რის შემდეგაც საშინაო და საერთაშორისო ყურადღება კანონის უმოქმედობაზე გაიზარა".

გაიგეთ მეტი:

ამავე თემაზე: