კახეთში, ლაგოდეხის მუნიციპალიტეტში მესაზღვრე იარაღით მიყენებული ჭრილობით დაიღუპა. მთავარ პროკურატურაში On.ge-ს განუცხადეს, რომ შემთხვევა დღეს, 20 აპრილს მოხდა.

მესაზღვრის დაღუპვის ფაქტთან დაკავშირებით გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს. შემთხვევა საზღვრის ე.წ. მეორე სექტორზე მოხდა. საქმეს კახეთის პროკურატურის საგამოძიებო ნაწილი იძიებს.