როიტერსის მიერ 2017 წელს ჩატარებული კვლევის მიხედვით, მსოფლიო მასშტაბით ყოველი 10-დან 6 ქალი საჯარო ტრანსპორტში სექსუალური შევიწროების მსხვერპლია.

ეკვადორში შეიქმნა აპლიკაცია, რომელიც სექსუალური შევიწროების საფრთხის არსებობის შემთხვევაში, ქალებს საჯარო ტრანსპორტში დაიცავს.

თუ ქალი თავს საფრთხეში იგრძნობს, ის ნომერზე 6367 გააგზავნის სიტყვას acoso [შევიწროება], მას ოპერატორი დაურეკავს, რომელიც დაეხმარება და ურჩევს, თუ როგორ მოიქცეს აღნიშნულ სიტუაციაში თავის დასაცავად.

ამის შემდეგ, ოპერატორი დაუკავშირდება ავტობუსის მძღოლს, რომელიც სიგნალიზაციას ჩართავს, რომლის პარალელურადაც მგზავრებს ერთმანეთის პატივისცემისკენ მოუწოდებენ, გაჩერებაზე კი ავტობუსს პოლიცია დახვდება.

ეკვადორის დედაქალაქ კიტოში ყოველი 10 ქალიდან 8 ამბობს, რომ ავტობუსში სექსუალური შევიწროება გამოუცდია. აპლიკაციის გაშვებიდან პირველ 2 თვეში, ის 358-მა ქალმა გამოიყენა.